O mesmo día en que no Parlamento catalán se está a tratar os mecanismos democráticos para que a cidadanía de Cataluña teña a oportunidade de votar o vindeiro día 1 de outubro, BNG e Anova amosaron o seu apoio a este proceso e á celebración da consulta.
A portavoz nacional do BNG, Ana Pontón, asegurou en Compostela que a actuación do goberno español e dos partidos contrarios ao referendo cometen “un erro histórico”.
As urnas e a democracia non se poden ilegalizar
“O Estado bloquea o proceso empregando métodos pouco democráticos”
.@anaponton: "As urnas e a democracia non se poden ilegalizar" https://t.co/zAyRv6h0G9 Apoio público de @obloque ao #refedendumCAT pic.twitter.com/ZpHhjALsXr
— Nós Televisión (@NosTelevision) 6 de septiembre de 2017
Polo seu lado o portavoz nacional de Anova, Antón Sanchez, afirmou que a súa formación estará sempre co pobo catalán e a favor do dereito a decidir.
.@AntonSanchezG, voceiro de @anovagal, amosa o seu apoio ao #referendumCAT e rexeita o "inmobilismo do Estado" https://t.co/zAyRv6h0G9 pic.twitter.com/2kimXslJBA
— Nós Televisión (@NosTelevision) 6 de septiembre de 2017
Presenza galega no 11 de setembro
Ambas formacións estaran esta fin de semana e o 11 de setembro en Barcelona na festa nacional de Catalunya para participar en varios actos e na propia manifestación que terá lugar nesa cidade.
