As Festas do Apóstolo foron todo un éxito. Esta podería ser a frase que resumiría o balance que realizou hoxe no Pazo de Raxoi o alcalde da cidade, Martiño Noriega, logo de dar a coñecer os datos de asistencia aos numerosos concertos e actividades que tiveron lugar en Santiago entre o 14 e o 31 de xullo.
- Máis información: Especial informativo de Nós Televisión sobre as Festas do Apóstolo
Martiño Noriega: “Eu creo que é un modelo de festas consolidado”
Martiño Noriega salientou a percepción que lle chegou a el persoalmente da valoración de veciños e veciñas en relación coa programación deste ano, mesmo en temas tan simbólicos para a cidade como os fogos artificais.
Resposta ás críticas do PP e do PSOE
O alcalde non evitou responder ás críticas do PSOE e PP en relación á falta de concertos con artistas de masas.
A programación deste ano continuou a liña de anos anteriores de aposta pola cultura local, unha grande descentralización para achegar a festa aos barrios e un maior protagonismo de espectáculos para todas as idades como foi o caso da Romaría cativa.
