O alcalde de Santiago critica a intervención de Montoro no concello de Madrid

"Parece que o Goberno central lle está collendo moito gusto a todo o que remata en 5"

Malia a diminución da débeda pública no Concello de Madrid, o Ministerio de Facenda procedeu ao longo desta semana a unha intervención das contas municipais. O Alcalde de Santiago, Martiño Noriega, quixo amosar o seu rexeitamento ante unha medida con poucos precedentes na política municipal estatal e que representa, en palabras do propio alcalde, un ataque á soberanía municipal.